नागपूरची संत्री, रसरशीत आणि गोड…
____च नाव घेतो, आता तरी वाट सोड
रस्ता अडवायला, जमल्या सगळ्या बहिणी…
____ला येऊ द्या घरात, आवडली ना तुमची वहिनी?
गुलाबाच्या झाडाला, फुले येतात दाट…
____रावांचे नाव घेते, सोडा माझी वाट
रुपेरी सागरावर, चंदेरी लाट…
___ रावांचं नाव घेते, सोडा माझी वाट.
मायेने वाढवले, संस्कारांनी घडवले…
__चं नाव घ्यायला, __नी अडवले
जमले आहेत सगळे, __च्या दारात…
__रावांचे नाव घेते, येऊ द्या ना घरात
नवे नवे जोडपे, आशीर्वादासाठी वाकले…
__रावांसोबत, मी सासरी पाऊल टाकले
नाचत नाचत वाजत-गाजत, आली आमची वरात…
__रावांचे नाव घेते, __च्या दारात
शुभ वेळी शुभ दिनी, आली आमची वरात…
__रावांचे नाव घेते, टाकून पहिले पाऊल घरात
__ची लेक झाली, __ ची सून…
__ च नाव घेते, गृहप्रवेश करून!
माहेरी साठवले, मायेचे मोती…
__च नाव घेऊन, जोडते नवी नाती
जरतारी पैठणीवर शोभे, कोल्हापुरी साज…
__च नाव घेऊन, गृहप्रवेश करते आज
खमंग चिवड्यात घालतात, खोबऱ्याचे काप…
__रावांच नाव घेऊन, ओलांडते मी माप
हिरव्या हिरव्या जंगलात, झाडी घनदाट…
__रावांचे नाव घेते, सोडा माझी वाट
लग्न झाले आता,आमची बहरू दे संसारवेल…
__ रावांचे नाव घेते, वाजवून __च्या घराची बेल
उंबरठ्यावरती माप देते, सुखी संसाराची चाहूल…
__च्या जीवनात टाकले मी, आज पहिले पाऊल
आमच्या दोघांचे स्वभाव, आहेत Complementary…
__ रावांचे नाव घेऊन करते, घरात पटकन Entry
सर्वांपुढे नमस्कारासाठी, जोडते दोन्ही हात…
__रावांचे नाव घेते, पण सोडा माझी वाट
सुखी ठेवोत सर्वांना, ब्रम्हा, विष्णू आणि महेश…
__ रावांचे नाव घेऊन, करते गृहप्रवेश
