गोकुळात आला कृष्ण, सर्वांना झाला हर्ष…
___रावांच्या बाळाला, लागले पहिले वर्ष
सोन्याची घुंगरं, चांदीच्या वाळा…
सोनार घडवी दागिने, ___रावांच्या बाळा
फुलांच्या सोडल्या माळा, जागोजागी लावले आरसे…
___रावांच्या बाळाचे, आज आहे बारसे
बाळाच्या आगमनाने, दरवळला परिसर…
___ रावांच्या सहवासात, जीवन होईल सफल
बाळाच्या नाजूक गालावर, पडते इवलीशी खळी…
___रावांच्या संसारवेलीवर, उमलली नाजूक कळी
गोंडस बाळ व्हावे म्हणून, केला आम्ही नवस…
___ रावांच्या मुलीचा, आज बारशाच्या दिवस.
बनारसी शालूला, आहेत जरतारी काठ…
___च्या मुलीच्या बारशाचा, केला मोठा थाट
शिवाजीसारखा पुत्र धन्य जिजाऊची कुशी…
___ चं नाव घेते, बारश्याच्या दिवशी.
काऊ चिऊचे घास, प्रेमाने भरवायची आई…
__मुळे कानी पडू लागली, परत नव्याने अंगाई
बाळाच्या हसऱ्या प्रवेशाने, आनंदले घर…
___रावांच्या संसारात, पडली नवी भर
आनंदाचे कारंजे, मनी उडते थुई थुई …
___रावांच्या बाळाची, आता होणार मी आई
सासू-सासऱ्यांनी डोहाळे जेवण केले माझे झोकात…
____ रावांचं नाव घेते, कार्यक्रम झाला थाटात
डोहाळे जेवणाला सजवली, पाना फुलांची नौका…
___ रावांच नाव घेते, लक्ष देऊन ऐका
हिरवी नेसली साडी, भरला हिरवा चुडा…
___रावांचं नाव घेऊन, शोधते बर्फी की पेढा
घाट घातला तुम्ही, पुरवायला माझे प्रेमळ डोहाळे …
___रावांच्या प्रेम झुल्यावर, घेते मी हिंदोळे
मोहरली माझी काया, लागता नवी चाहूल…
___रावांचे नाव घेते, जड झाले पाऊल
